Vriendenclub KEN woor opgericht op 25 juli 1965 en zeej ware ein van de alleriërste kiëte bouwers in Maasbree. Deze groep kammeräöj lierde zich good kènne op de jeugdcarnaval beej Zanges in Bree. Eigenlijk waas dit ein samengaon van twee vriendengruupkes die zich al jaore kinden van de liegere schoël in Bree.

De iërste fuifhok waar beej Harrie Grutters in de champignonkelder. Daonao woort er ein echte fiëstkiët gebouwd beej Lies en Jac Benders op Rinkesfort. Dit volledig ingerichte fuifhok woort af en toe auk gebroekt door angere vriendengroepen vur `t hoaje van fuiven. De waekelijkse gezellige beejeinkomsten verplaatsten zich al snel nao thoës of nao café Niens en angere cafés en zalen in Bree en umgeving. In de laup van d`n tiëd bleef de vriendschap bestaon en in het jaor 2015 vierden de jônges `t vieftig jäörig bestaon van KEN. De viefenvieftig jaor woort gevierd in 2020.