Veurdracht op de Zilvere broelöft van Jantje en Mie
16 september 2000.

Beste Mie en Jan,

Nôw weej heej allemaol same zien op 't fiës van Mie en Jan,
môt ik 'n geheim van heur vertèlle, dao wèt KEN alles van.

Knek en Mien kôm d'r 'ns beej,
dèn vertèlle weej dèt met zien dreej.

Kiek Mie en Jan dao, nôw zitte ze op dit fiës ziej en ziej.
Mâr vruuger waas dèt 'nne kiër hiel anges, toen ware ze neet zoe bliej.

En wat d'r toen is gebeurd is lang vervloge tiëd.
En dèt wilt KEN heej in dit gedich aan dit gezelschap kwiëd.

Kôm Thei en Marianne en Janus en Mariet,
want die hebbe ôk nag gèt in 't verschiet.

't Is vûr Mie en Jan misschien neet leuk dèt dit heej wuurt onthûld.
Mâr ja, dao is niks aan te doon, dèt is heur eige schûld

Natuurlik dinke Mie en Jan nôw hiël terech, haoj dien mônk toch dich.
Mâr 't moog bès gezach waere, 't gebeurde ech, dus 't is mien plich.

Kôm d'r beej Ton, Frits en Marianne
want die weite d'r ôk van alles van.

En idderein op dit fiës dae zaet straks nag hiël zach.
Die Mie en Jan toch, wae heij dèt gedach.

Kôm op Els en Kesje met ûch verhale,
en ôk Miriam en Drees op zien sandale.

Eigelik is wat weej van KEN nôw heej gaon doon 'n bietje gemein.
Weej mèt zien alle dees gebeurtenis onthulle taege ûch allein.

Mâr ôch dao is nôw gezag, weej kenne neet miër stoppe.
't Is daarûm nôw d'n hoegste tiëd, ik kôm d'r mâr mèt op de proppe.

Kôm d'r ôk mâr efkes beej Lei en Rie,
en ôk nog mien eige Mie.

Dao geitte dèn, nôw geit 't gebeure,
weej vetèlle 't nôw in geure en kleure.

Mie en Jan wach en loester good as 't wuurt onthûlt.
Weej spraeke aaf dèt geej 't heur straks neet verwiete zûlt.

As geej 't van mich hebt gehuurt, vergaet 't dèn mâr wiër,
en plaog die erme Mie en Jan dèn toch neet illeke kiër.

Alle KEN-leeje zien heej vûr gekômme van doënbeej of van verre,
allein ik mis nag Thea en Jo van der Sterren.

Zoë nôw zien we kompleet mèt KEN.
Dus Mie en Jan dao geitte dèn.

Lèt op en val nôw neet van ûch steul,
Want zo'n onthulling guuft 'n akelig geveul.

Ik woej det we d'r noeit aan ware begôs, ik heb zo'n compassie mèt dit stèl oet Breej.
Mâr kôm, ik begin mâr gauw, dèn is 't ôk wèr gauw veurbeej.

Mâr wach 'ns efkes wat heb geej 'n gelök.
Dèt Jan wiej altiëd haet gezorgd vûr 'n programma vûl te drök.

Ik praot en ik praot de ganse tiëd names KEN heej,
en nôw is ocherm d'n tiëd al gans vûrbeej.

't Is jammer mâr dôr dees drökte bedank ik ûch vûr ûch gedûld.
Waas d'r ech miër tiëd gewees dèn heije weej 't vas en zeker onthûld !!!

 

Veurdracht op de Zilvere broelöft van Thei en Marianne
23 september 2000.

Heej steit dèn vriendeklup KEN oët Bree en weej gaon heej vûr Thei en Marianne 'n veurdracht haoje van 'n oor lank. Dèt is ôk d'n tiëd, dèt we vanaovend hebbe kènne oefene. En dèt doon we in ôs eige Brits dialect ... mâr vûr de minse oët Molenhoek gaon weej dèt speciaal in 't Nederlands ôngertitele.

Voor de mensen die dit niet verstaan hebben: kijk straks gewoon op de blaadjes wat er geschreven staat. Lees dit, doe wat er staat ... en geef ons daarna een staande ovatie.

We laupe 'ns efkes mèt de vrienden van KEN dôr de lètste 25 jaor van Thei en Marianne mèt:

JAN SEELEN ... ALIAS ... KNEK
Dit is letterlik en mischien ôk wal 'n bietje figuurlik de grôtste fan van ... ... ... MARIANNE

JO VAN DER STERREN ... ALIAS ... STER
Vruuger waas hae jônk en knap ... mâr nôw nach mâr allein ... ... ... EN

JAN LINSSEN ... ALIAS ... JANUS

Haet deze man 'ns bandepech dèn wuurt hae oët de noëd geholpe dôr 'n wiel van d'n auto van de bure van ... ... ... THEI

FRITS VAN DEN KERKHOF ... ALIAS ... FRITSKE
Wilt ge iets weite euver dit broedspaar dèn vraog 't aan Frits, want dae wèt dao alles ... ... ... VAN

FRANS HILLEN ... ALIAS ... KESJE
Nôw zien we op de zilvere broelöf van Thei en Marianne, mâr op 7 oktoëber haoje Kesje en Els in Bree ... ... ... 'T FEEST

JAN VAESSEN ... ALIAS ... JANTJE
Dit is Jantje ... en dèt is gènne Pruus ... en hae is ôk neet gestoke dôr 'n ... ... ... BIJ

TON CAUVEN ... ALIAS ... TC
Ton môt op allerlei vergaderinge dageliks vuul praote en daarûm is hae nôw ... ... ... EVEN STIL

DREES WIJNEN ... ALIAS ... DREESKE
Mèt jage KEN Drees op sandale zellöfs in de ... ... ... WIJ STAAN

Nôw we heej stilstaon, dink ik d'r inèns aan wie belangriëk dèt 'nne agenda is. Gèt dèt Thei al altiëd geweite haet. As weej deze agenda neet gehad heijje ... waas dees veurdracht noeit op tiëd klaorgewees, want alle datums en tiëdstippe staon dao in vermeld.

Daaröm wille weej ûch as aandinke dees agenda's allemaol aanbeeje, en dao verder nimmer beej stilstaon !!! Proficiat.

Voor degene die dit allemaal niet verstaan hebben ... kijk op onze internet website: www.ken-maasbree.nl (vruüger: fullspeed.to/ken).

En as aafsloëting zingt 't KEN-dameskoër: Lang zullen ze leven.

 

Veurdracht op de Zilvere broelöft van Frans en Els
7 oktober 2000.

Sorry, Els en Frans mâr we hebbe vûr ûch gèn veurdrach klaorgekrege. We beginne d'r eigelik ôk te aod vûr te waere ... de meiste zien al de fiëftif gepasseerd of al nèt wiej geej viëfentwintig jaor getrouwd ... of zitte al gedaeltelik in de VUT dôr allemaol die Jan-dage ... Zellefs ik begin al 'n bietje griës te waere !!! Mâr dao steit toch nag gèt te gebeure, want we laote 't optraeje aan de kleintjes euver.

Dames en hiëre, moog ik ûch speciale aandach ... heej zien rechtstreeks van d'n Eerselberg, vûr 't iers in Bree op de bühne: DE MINI-KENNIES !!!
Van links nao rechts:

Dit mènke haet nôw al de stûm van Dikke Leo ...
From America: Al Goortje.

Dit jûngske tûmmert al jaore aan de weeg ...
ôs Andréke, d'n enige echte sandale-tepdenser.

Meine Damen und Herren, spezial für die Deutsche Gäste,
den singende Gemüse-händler: das Knekchen GmbH.

Dit kaerelke vereuvert al jaore de herte van alle moders ...
Van Helde-dürp: Heintje.

KENt geej speciaal vûr Els en Frans nag èns, wiej vruuger de oudjes dèt deeje, op de Franse tour gaon ? ...
Dèn laot mâr 'ns huure: de CAN-CAN.

Heb geej toevallig allemaol die verhaole van Els en heur vriendinne gehuurt euver heur oetstèpke nao Oësterriëk ? En wèt ge wae die dao getroffe hebbe ?
Der Anton aus Tirol.

Ge wèt dèt Kesje vruuger de ster van MVC-waas en later beej FC-Niëns 't groëte geld is gaon verdene. Laot mâr 'ns alle truukjes zeen die Kesje toen oët de kas haalde ...
Dao geitte dèn: Koning Voetbal.

Ik heb 't idee dèt dees Mini-Kennies alles van dit broedspaar weite. Dèn laot mâr 'ns zeen op wat vûrre meziek zeej vruuger altied beej Kupke oët 't daak ginge.
Heej zien Mick Knek, Dreeske Watch en consorte met: Satisfaction.

Sorry, we zien 'nne ganse groep minse vanaovend vergaete. Aus Deutschland die Freunde von Kesje: der Hahn von Lobeck. Dao haette meij zoë hèl gefiëst dètte as Els ûm kwaam ophale, de ganse weeg mèt de kop oët de raam hông !
Wètge watte dèn de ganse aovend heij gezonge? ... Trink Brüderlein.

Zoë dit waas 't dèn ... Oh, wag ens, das Knekchen GmbH wilt nag gèt zegge gleuf ik. Hae wilt Els nag gèt zegge ... kom d'r 'ns beej staon Els!
... PUMELKE ...

Dit waas 't dèn ... Oh, nae dao steit nag gèt op 't pepeerke ...
Staande ovatie vûr 't broëdspaar ...

Wilt ge morge nag 'ns alles naokiëke, kiëk dèn 'ns op ôs internet website: www.ken-maasbree.nl (vruüger: fullspeed.to/ken).

Names KEN, proficiat en nag vuül plezeer mèt de optraejes van de familie Hillen, de familie Hendriks, FC-Niëns, de vriendinne van Els, enz., enz., enz.
Nogmaals ... de CAN-CAN ...

 

Veurdracht op de Zilvere broelöft van Frits en Marianne
2001.

Gôjjen aovend allemaol.

Heej steit de vriendenklup KEN oët Bree. Weej wille vanaovend 'ns viëfentwintig jaor en nag wiër truük in d'n tiëd kiëke/ En de hoofrolspeulers van vanaovend ziën Frits en Marianne: 'nne Britse jông en 'n Kessels maedje die 17 juni al 25 jaor getrouwd hope te zien.

ömdet Frits en Marianne de lètste jaore neet miër vestelaovend viere in Bree en weej van KEN vürrig jaor zellefs d'n iërste priës beej de wages gewônne hebbe, wille weej heur die ekt die weej toen dôr Bree hebbe laote trekke heej vûr uch laote opveure.

Wilt ge morge naokiëke of zeej det good naogespeuld hebbe kiëk dèn op ôs internet website: www.ken-maasbree.nl (vrüeger: fullspeed.to/ken).

Zoë we zalle mâr 'ns met de show gaon beginne. Gaef ze 'n daverend applaus ... de hoofdrolspeulers van vanaovend: Fritske en Marianneke !!!

1) We gaon 'n 30 jaor truük in d'n tiëd, nao 't brommertiëdperk van Fritske ... ût waas altiëd: effe mazzele ... En volges mich reej Frits neet ech langzaam ... of wal Frits ??? ... OEREND HARD.
(Frits ... helm en steur)

2) Nao 'n paar jaor in Bree de weeg onveilig gemâkt te hebbe, ging hae op 'n gegaeve moment zellefs de dôrpgrenze euver en trof hae in Kessel 'n maedje Marianne geheite ... Same hebbe ze get aafgedanst ... En wat dansde ze dèn??? ... VOGELTJES DANS.

3) En 't bleef natuurlik neet allein beej 'n denske ... Want wat gebeurt d'r later op d'n aovend as 2 minse verleefd waere ... JE T'AIME.

4) En 17 juni 1978 stapte ze in 't huweliksbuütje. Frits werkte beej Rank Xerox en ze woorte op 'n gegaeve moment nao Engeland gesteurt ôm dao vûr d'n baas te gaon te werke. Dao woende ze in 'n sjiek Ingels hiërehoës ... en ware ze op 'n gegaeve moment al hielemaol veringelst ... Lady's and gentleman, Mrs. en Mr. Van den Kurkhoof ... GOD SAVE THE QUEEN.
(Frits en Marianne met vlègske)

5) Jaore later heij Frits genôg van al die kopieerapparate en ging hae werke beej ABP in Heerlen ... en van daen tiëd aaf ware 't gin kopieerapparate miër mâr ... MONEY, MONEY, MONEY.

6) En wat haet Marianne allemaol vûr werk gedaon sinds ze in übachsberg woënde. Iërs kwaam Rik ... toen Tim ... toen Thijs ... en toen Marieke ... Dus wat waas 't jaore en jaore opreej: ... DE TRAPPELZAK BOEGIE.
(Frits met gitaar, Marianne met pop)

7) Mâr toen de kinger get groëter ware, kôste ze heur groëte hobby al langer wie miër gaon oëtveure ... Wandele in Oësteriëk en dao gaon ze altiëd flink te kiër ... DER ANTON AUS TIROL.
(Frits met tiroler hûdje)

8) En wiej verleefd ze nôw nao viëf en twintig jaor nag zien ... det zal Frits nôw aan Marianne laote huure in 't volgende liedje. ... PUMELKE.
(Frits met microfoon en roës)

9) Dit waas de love storie van Frits en Marianne en daaröm zinge we as aafsloëting nag met zien alle ... LANG ZULLE ZE LEVE !!!

 

Veurdracht op de Zilvere broelöft van Janus en Mariet
30-12-2001.

Toniëlstök "IK TAAI AAF".

Idderein van herte welkom in theater 't Warenhoës "De Kas".

Wat heb geej 't vanaovend getroffe ... kurtjuu nach !!! 'n 25-jäörige broelöf en ... geej kènt namelik zoëdrèk gaon geniete van 'n schitterend toniëlstök ... 'nne twië-takt ... eh ... 'nne twiëe-akter. De iërste akte is 'n bliëj-spel en de twèdde akte 'n drama. Het veurspel hebbe weej van KEN allang gehad.

Ik zou Janus,Mariet en Bert wille verzeuke öm heej op de iëre-tribune te gaon zitte, zoedèt ge niks hooft te misse, want dit is ech iets speciaals ... en zéker vûr Janus en Mariet, want die zien lid van 'n toniëlvereiniging ... al 25 jaor !!!!!!!!

En ze ziën hielemaol verslaafd aan toeniëlveurstèllinge. Ze zitte illike waek wal 'nne aovend in de Maaspoort nao 'n toeniëlstök te kiëke. Maar ja, Janus krieg natuurlik wal korting beej de euverbure. Volgend jaor as hae in Helde werkt ... eh zit ... zal dèt wal aafgelaupe zien.

Weej van KEN hebbe 'n hallef jaor dreej aovende per waek geoefend öm heej dadelik uch 45 minute te laote geniete van 'n waor gebeurd verhaal dèt zich aafspult tösse Breej en Zwitserland in de jaore 70.

Dames en Hiëre, moog ik uch speciale aandach vûr d'n twië-akter "IK TAAI AAF". Ik zal effe mien dreijbook pakke.

't Is 20 december 1973. s'-Aoves öm 8 oor begint beej Niëns de jaorvergadering van KEN en dao is zoeas gewoënlik nag nemes ... Kwart euver 8 nag nemes.

Ein aafmelding : Kesje zit mèt Els vasgevrore in 'n buütje op de Nijl.

Rônk hallef nege beginne de iërste KEN-leeje binne te dröppele.

Knek ... haet met zien gemüse de lètste Marke gebeurt beej die dieke Pruusse.

Ton ... haet nag gauw 'n paar reeje prei oëtgedaon want nôw zien ze nag göldes waert.

Jan ... haet zich alwèr verslaope op de gemeinte.

Lei ... haet de lètste BH's nag gauw ömgepriëst in Euro's.

Frits ... zal wal wèr in 'nne sniëjjestorm hebbe gezaette op d'n Übachsberg.

Thei ... is zeker wèr van de Molehoek mèt de fiets gekômme.

Ster ... Hèsse 't zoë drök rônk Kers ... Ster ???

Negen oor ... idderein is d'r behalve Drees ... oh nae dae môt drèk vûr Janus speule !!!!!

Janus kump binne en zaet "Ik bin 't muuj in Nederland ... ik taai aaf ... ik gaon nao Zwitserland !!! Hojje ... ". Poeh ... 'ns effe kiëke wat dit teweeg brinkt ôppe jaorvergadering van KEN.

Ster: En wiej môt dèt wiër met Mariet???? Maak uch dao mâr gèn zörrig euver, die kookt ... van gif !!!

Jan: en Bertje dèn ??? Wal wakker bliëve Jan ... 1973 ... Bertje kûmp pas euver 18 jaor !!!

En zoë löp de vergadering aaf en idderein geit deep ônger d'n indrök van 't plotselinge aaftaaie van Janus direk nao hoës.

Dèn kûmp Drees binne en verangerd 1973 in 1974.

Ik hoop dèt ge neet in de war gebrach ziet ... Dit is neet Janus mâr Drees. Hae kôs vörrig jaor neet kômme ... want hae môs dit bördje nag make en 'n kelderrèmpke !!!

Zoë, we ziën nôw 'n jaor wiër en 't is wèr 8 oor s'aoves, aanvang van de jaorvergadering van Ken in 1974 mèt 'n fiëstelik tintje want Janus kûmp truuk.

Net wiej altiëd ... nemes dao ... Kwart op 8 nag nemes.

Hallef negen kûmp Knek binne. Wat zuus dich d'r oët Knek ??? Knek: "Ik bin zeek en dao hebbe d'r zich al 'n hiël dael beej mich aafgemèld ... allemaol zeek." Zeker allemaol te vuul gezope vörrig jaor op de jaorvergadering !!!

En ze ware allemaol zeek ... want 't woort nege oor, hallef tiën en dao kwaam nemes miër.

Wiel begint te trille. Knek: "Bis dich ôk zeek?" Nae, miene hendie geit aaf ... mèt trilfunktie. Wèt emes wiej se dae razel d'r aafkries ???

Ja hallo ... .. mèt Janus? ... Woë bliefse??? ... de kûmps neet??? ... Wat?? ... de bis nag in Zwitserland?? ... Jônge ... jônge ... diene auto is aafgebrand???

Drees kûmp ôk neet??? ... Oh jao, ... dae môt dich speule. Wat 'n drama. Idderein van KEN is zeek en de haufrolspeulers Janus en Drees zitte in Zwitserland.

Sorry minse, mâr weges ziekte en aafwezigheid van alle speulers, kèn de veurstèlling helaas neet door gaon !!! !!!