Drees

Op illik jaor 'n paar gôj niej sandale,
Haet Drees op zien slôffe de fieftig kènne hale.
En asse mâr rûstig blief tûmmere en zage,
Hebbe Miriam, Monique en Tim ôk niks te klage.
Allein 'n kat krieg klaor dèt Drees rènt ôm 't hoës,
Mâr ocherm, die zuüt daonao neet gauw miër 'n moës.
Drees haet altiëd vuul lol en plezeer,
Mèt zien geweer en 'n groëte fles beer.
Mhm ... mhm ... 50 jaor ... mhm ... mhm
Mhm ... Drees proficiat names KEN ... mhm.

Thei

Wat zooge weej dees daag in Thei ziene mini-zakagenda staon?
13 fibberwari is de iërste halve ieuw van deze Molenhoekse jông gedaon.
D'n iërste boëtelandse prins van KEN krieg 't zaoterdig nag behuürlik werm.
As hae bezeuk gèt kriëge van de ganse KEN-zwerm.
Maar mèt kern-splitse keult hae, en det is gèn gelul,
In Genève wal wèr aaf toet 270 graade ônger nul.
Thei en femilie proficiat en nag vuül straeveloze jaore names hiël KEN.

Wielke

De vreugs dich aaf, wie krieg hae det mèt al de schaele wazel klaor,
toch wuurt ôzze Wiel op 3 miërt 50 jaor.
Mèt buute hès dich alles bereikt: 4 x 2e, kampioen
en zellefs optraejes in Curacao,
Doow zuus, d'n tiëd vluug vurbeej, wat gèt 't toch allemaol gauw.
Mèt dien oëtnuüdiging lachde KEN zich wal hârstikke slap,
Wie zoë: 'nag altiëd sleum en knap'?
De raekening môs dich dit kiër gans allein betale,
Kurtjuu.....det is wal effe stevig bale.

Lei

Toen Lei fieftig jaor geleeje gebore woor,
Neumde ze ûm Leike van Goor.
't is nôw ôngertösse 'nne gewichtige hiër,
want beej de Poerker is hae de grôtste bankier.
Krieg Lei van al die bankzake wal 'ns dipjes,
Dèn zûkt hae steun tösse Ria zien lingerie en slipjes.
Op 6 mei drinkt KEN hopelik mènnige liter,
beej Leike, de stille genieter.

Frits

In übachsberg geit 't 31 mei gebeure,
Want dèn is d'r fiës beej ein van de ABP directeure.
Al haette nag maar weinig haor,
Toch woort Fritske van de Smaalbaeng op 15 mei 50 jaor.
Voetballe kôs hae as d'n bèste,
En straotlampe stampde hae oët toet de allerlèste.
Vûr dit fiës môtte weej gans nao Ubachsberg,
Maar dèt vinge weej van KEN gaar neet erg.

Kesje

De zesde Abraham beej KEN is Kesje,
Wèt ge wal dae kestiëlhiër mèt det gries blèsje.
Deze aod prins en voetballer hove weej niks te liere,
Want dae kôs vruuger al 't bèste alles en idderein versiere.
Toch môt hae mèt det kestiël nag altiëd werke,
Want hae geit illeke daag in Pruuse schoefele en herke.
Hopelik kriege weej zaoterdig op de Aoj Pastorie gèn klachte,
As weej mèt Frans Hillen dao zitte te fiëste tösse die schitterende grachte.

Ton

KEN trèkt 17 juli aan de bel,
beej Ton Cauven ôze lètste vreejgezèl.
ôze Ton is neet te bang,
want hae haet gaer slaagraum van wâl doëzend Frang.
ûvverdaag zit hae tôsse de wortele en de prei,
mâr s'aoves deut hae mèt mènnige vergadering mei.
Hopelik is deze fiëftig-jäörige d'r zellûf zaoterdig beej,
want in ût weekend haet hae weinig tiëd en zelde vreej.

Janus

Op 16 miërt staon weej van KEN in 'ziene verbouwde tempel' klaor,
Want daags d'r nao wuurt in Helden ôze Janus fieftig jaor.
Klusse dao is Janus behuurlik good in thoës,
Al eindigt det wal mènnige kiër in 't zeekehoës.
Nao stadsbeleid in Vènnel geit hae dôr de waek neet al te vruuj,
En dao wuurt hae gegarandeerd toet zien pensioen noeët muuj.
Mèt vestelaovend zaet Janus neet dök Alaaf,
Mâr vriëdig zègge weej zeker neet vruuj: 'Weej taaje aaf'.

Jantje

Vriëdig haet KEN fiës, want dèn zien Jan en Mie same hôngerd jaor,
Mâr d'n Abraham zuut Jantje van Goor pas in september en dèt is ech waor.
Veer ganse daag, minus alle Jan-dage, zit hae op de gemeinte in Haele,
De VUT is pas euver 15 jaor en dèt vingt hae pas ech zwaor bale.
Beej Niëns kûmp hae sônnigs nimmer zoe dök,
want hae haet 't drök, drök, drök.
Mâr asse kûmp zitte dao wal bies ach oor saoves oppe krök.
Mèt friet, vuul mayonais en mayonais is ôs Jantje ech in ziene sas,
Daomeij zitte saoves mèt 'n glaeske wiën op zien eige verwermd terras.
Jantje nôw al ... en Mie nôw pas ... proficiat names KEN !!!

Knek

Ach KEN-leeje hebbe Abraham al gezeen, 't is ech te gek,
En nôw pas wuurt de grôtste van 't stèl fiëftig en det is ôze Knek.
Mèt maot 52 in de schoon sjouwt hae dageliks van veiling ZON nao Pruuse,
Mèt champignons, prei, tomate en miër van die lekkere Knek GmBh gemuuse.
Deze prins van '82 en oëtvinger van 'dèt KEN', ken praote wiej Smoël Piet,
Daobeej vèlt ôs Mientje zellefs hielemaol in 't niet.
Op 31 augustus fiës, Knek fiëftig, det zoëj se neet zegge, hè Mien,
Det klopt, want dèn zoëje weej pas op 20 september op zien tuinfiës môtte zien.

Ster

As lèste KEN-lid, op 31 juli 1952 gebore,
Is ôzze Benjamin noow eindelik ok 50 gewore.
Mèt voetballe mâkde hae hèkskes en schiëre en waar ´nne echte viertuoës,
En as veurzitter schuüt Bree 4.5 mèt Ster ok ech midde in de roës.
Mèt gitaar speule kèn Jo helaas neet altiëd ´t gôjje ritme vinge,
Mâr gelökkig haet hae miër verstank van verzekeringe.
As zaoterdig beej Niëns de Sterre dao bove Straole oët de bokse klinke,
Dèn zalle weej mèt de ganse KEN-femilie d´r nag mènnige op gaon drinke.